Tualpipa-MY LIFE!!!

Wednesday, February 18, 2026

Ngo Cin Thawng to Ngocinthawng Suantak

Ka min Ngo Cin Thawng se ka tap pa -Ka Pa Pi- Bo Thang Ngo hi a ka pian ma hiat in sum vawt na tawh kisai in ki man a hi man mealheak sung a thawng peuma a hi man - Ka min tu in Ngo Cin Thawng hong ki phuak hi ci se Ka Pa/Nu te hong son daan a hi hi.

Ngo Cin Thawng ci se Kawlngam sung om lai se bangma buai na om ngawl hi ka ma le- Ngamdang -India bek liang ah zong official a form fill up na a om ciang- First Name - Middle Name- Last Name ( Sur Name) ci veo hong om ciang

First Name - Ngo

Middle Name- Cin

Last Name( SurName) -Thawng veo ka aat bul hi.

A hihhang ngual dang te zak daan a hi le Last Name ( SurName) ci se Bee Min- Meal heak te a ki bang a ki zang na hi nginge hi.

Pathian ngeal sak na tawh in US theng a Innkuan pui te hong thet ciang Min vai se koi bah hi tuh ngaisutna hong om hi.Banghang ziam ci le-

Ka Tapa -Zam Tual hi a a Last Name -Tual hong hi a ka Tanu Vung Khawm Dim hi a Last Name -Dim hong hi a, a Nu Cingh Za Huai hi tanah Last Name -Huai hong hi hi.

Zum vai theampo Last Name ka Innkuan bup khat zong hong ki bat ngawl ciang - Zam Tual tawh kisai -Sang vai khawng om a hong ki sap ciang ngual dang te zak daan in -- Mr Tual ci hong ki paupui a ka tanu vai a hi le-- Mr Dim ci hong ki paupui hi.

Khat vei bang ka Innkuan in a Nu ii nasep na pan Health Insurance ka lak uh le--- Medical Check Up vawt tu a form fill up tuh Phone tawh ka min uh dok te-- Ka First Name vive bek hong dong a hi man - ka ki lak tatak uh te-- Ka min uh se

Cingh Huai

Ngo Huai

Zam Huai

Vung Huai --- ci record na na om thong hi.

Tua ahi man Rome a na om le Rome daan ma om tuh ci thu tawh ki zui in - US citizen lai huan ciang min ki lai thei a hi man Last Name - Suantak ka belap ciang -Ngocinthawng Suantak suak a US ah ka Official min hong suak hi.

Ngo Cin Thawng alias Ngocinthawng Suantak

Born - December 16,1954 – Zum lai tengah January 24,1955 ci a kikhum

Birth Place- Tamdeang( Suangdaw)

Pa- Ngul Zam( October 12,1978 nusia)( Public Health Inspector)

Kimlel khang Thuamlam suan Kimkhup bawng

Nu-Neam Mang ( December 12,1978 nusia)

Vanglok khang Thuklai suan Lunmun tuu Mangzong bawng

Pianpui Suapui teng-

1.Vum Nang ( a no lai nusia)

2.Thian Za Khai ( a no lai nusia)

3.Vum Son ( September 19, 2005) -( Heidrun/Thathaa)

4.Suak Kang ( August 6, 2010 nusia )- Thang Neam ( March 31,2009 nusia)

5.Vung Khai -Hau Ko Thang (August 26,2002 nusia)

6.Dim Hau ( )

7.Cin Za Dal -Cingh Khan Dim

8. Lian Kop Cin-Cing Za Ciang

9.Mang Pau ( 1963 Motor accident nusia)

10.Ngo Cin Thawng -Cingh Za Huai

Tan lang- 1961-62----- SPS Dolluang

Tan 1- 1962-63 ---------SHS Falam

Tan 2- 7 1963-69--------SMS Dolluang

Tan 8 1969-70---------- SHS Tonzang

Tan 9-10 1970-73------ SHS Tedim

B Sc ( Mathematics) -1973-1977 Arts and Sciences University-Mandalay

ETEC Mechanical Engineering Course -Diploma-1975-1978 -Engineering Technology Evening Classes, Mandalay.

Nuntak zon na -Zi le ta nei na -

1979-80 Teacher -Private Middle School- Pyinkhunglay,Kalaymyo

1980-82 Teacher- Falkawn High School, Muallungthu -Mizoram

1982-1984 Teacher -K V M High School- Armveng,Aizawl, Mizoram

1984 pan 1995 dong India Calcutta( Kolkatta) Bombay le Shangam Unan khawngah nunatak na tuh sum zong paai zong khual ka haw hi.

1986 September 4 ni in- Khuasak khua -Pu Ngaw Khup ( Khuapuipu) le Pi Cing Za Vung tanu Cingh Za Huai tawh Lophei Tuiphum Biak Inn ah Rev Ngin Khai letthat na tawh Nupa suak hi.

1987 August 4 ni in Topa letsong tapa -Zam Tual- Tedim zato ah nei a

1990 July 03 ni in Topa letsong tanu- Vung Khawm Dim -Falam zato ah ka nei uh hi.

1988 Kawlngam bup revolution hong om a Socialism Party bo ngalkap na ki ukna hong lak ciang Tedim ah Party Council ki phiat siat (bo) a hi man mealheak U le nau te deisak na tawh – Tedim ngambup- Tamah Waiyamah ah Secretary na kum 2 sung ka seam hi.

1995 July 14 ni in US Visa – Ka Oo Vum Son ii hong sap na tungtawn in Visa nga ka hi man July 24 1995 ni in Zangkung pan leang in US leitang tung July 24 1995 ni ma in Pathian in sii khuan hong pia a Topa minthang pok ingh.

USA Kumpi te thuthiam na tawh in a US ngamah teen suak thei na tuh status Asylum se October 02,1995 ni in Approval Letter nga hi.Tua status tung tawn in a Zi le Tate in October 16,1996 ni in Washington DC ah cidam theng uh hi.

1995 September -1997 March ---Clerk Seven -Eleven, NE Washington DC

1997 March to August -National Tire and Battery Company -Rockville Maryland

97 -2019 – Data Entry/Programme Management Specialist etc Food and Drug Administration FDA -Maryland

2019- up to now--- Retired